Azərbaycanlılar
Avarlar
Talışlar
Ləzgilər
Udilər
Yəhudilər və b.
Azərbaycanda yaşayan xalqların səsli ədəbiyyatı və mahnıları...
Baxış sayı: 24
Açar sözlər:
Rafael HÜSEYNOV. "Teymurləngi təslim edən"
O, qəzəb rəmzi, yenilməz iradə timsalı idi. Bir sözünü iki etmək imkansızdı və özü də heç vaxt dilindən qopmuş sözü dəyişməz, söylədiyinin ziddinə getməzdi. "Hökmdarın qılıncı sözündən iti olmalıdır!" Bu, qüdrətli sərkərdə Teymurləngin sözləridir və sadəcə sözləri deyil, ömrü boyu sadiq qaldığı əqidəsidir. Amma o, həyatında yalnız bir dəfə sözündən döndü, yalnız bir dəfə ona xas olmayan zəiflik, yumşaqlıq göstərdi. Yumşaqlıq kəlməsi isə ona qətiyyən yaraşmır. Qədim alban əlifbasının günümüzə yetişməsinin səbəbkarı, ondördüncü yüzilin salnaməçisi Foma Metsopski "biz bunu özBaxış sayı: 13
Açar sözlər:
E.HÜSEYNBƏYLİ. "Cənnətin bağlı qapıları". B.ƏLİBƏYLİ. "Dirilik yolu"
Elçin HÜSEYNBƏYLİ. "Cənnətin bağlı qapıları"
Orxan Arasın "Son cənnət" romanı barədə qeydlər
"Son Cənnət" iki qələm arxadaşımın birgə romanıdır. Biri onu Türkiyə türkcəsində yazıb, o birisi Azərbaycan türkcəsinə uyğunlaşdırıb. Hər ikisinin əlinə sağlıq. Onları sayğılı oxucularımız tanıyır: Orxan Aras (birinci müəllif) və Bəsti Əlibəyli (ikinci müəllif). Yayın istisində, qışın soyuğunda mən Bəsti xanımın romanı dilimizə uyğunlaşdırmasının şahidi olmuşam. Əziyyəti yerdə qalmaz, inşallah! Mən indiyə kimi Orxan Arasın yalnız publisistikası və poeziyası ilə tanış idim. Baxış sayı: 10
Açar sözlər:
ANAR. "İnsan olmaq istedadı..."
Noyabrın 25-i Azərbaycanın xalq yazıçısı İmran Qasımovun doğum günüdür. Yaşasaydı, onun 90 yaşını bayram edəcəkdik, bu gün 90 illiyini onsuz qeyd edirik. İmran Qasımov ədəbiyyatda, kinoda, teatrda iz qoymuş görkəmli sənətkardı, xüsusi kino təhsili almış ilk peşəkar ssenariçilərimizdəndi. Hələ 40-cı ildə onun birinci ssenarisi üzrə "Yeni üfüq" bədii filmi çəkilmişdi. Sonrakı illərdə onun ssenariləri əsasında çəkilmiş bədii və sənədli filmlər (o cümlədən Roman Karmenin Xəzər neftçiləri haqqında Lenin mükafatına layiq görülmüş sənədli filmləri) Azərbaycanın kino salnaməsinə daxil olmuşdur. "Nağıl başlananda", "İnsan məskən salır", "Dairəni
Baxış sayı: 12
Açar sözlər:
Əkrəm Cəfər. "Mirzə Ələkbər Sabir şerinin qafiyə lüğəti" (tam mətn) (yenilənib)
Şərq və Azərbaycan ədəbiyyatında bənzərsiz kitab: professor Əkrəm Cəfərin bu maraqlı araşdırması böyük şairimizin yaradıcılığının poetik məsələlərinə həsr olunub.
Baxış sayı: 11
Açar sözlər:
Nizami Cəfərov. "Seçilmiş əsərləri" (beş cilddə). I cildinin tam e-mətni
Baxış sayı: 18
Açar sözlər:
Məmməd Süleymanov. "Ədəbiyyat və həyat "
Ədəbiyyat cəmiyyətdə olanları özünə hopdurub cəmiyyətə qaytaranda öz missiyasını yerinə yetirmiş olur. Bir güzgü kimi - şüaları toplayır və geriyə göndərir. Bizdə bu, yoxdur.
Yazılan hər şer, hər hekaye-roman reallıqdan başqa nəyi desən əks etdirir. Onlar asosial da yox, antisosialdır. Nə ki cəmiyyətə xidmət etmir, deməli cəmiyyətin zərərinədir. Toplumun bu günkü deqradasiyasında yazıçı-şair sayılanların cinayəti çox böyükdür.
Baxış sayı: 19
Açar sözlər:
Afaq Məsud: saytı, əsərləri, müsahibələri və "II İOHAN" hekayə-romanı
Azərbaycan Yazıçılar Birliyinin üzvü, 1990-cı ildən Respublika Tərcümə və Ədəbi Əlaqələr Mərkəzinin sədri, «Xəzər» dünya ədəbiyyatı jurnalının baş redaktorudur.
Baxış sayı: 47
Açar sözlər:
Rafael HÜSEYNOV. "GƏNCƏLİ NİZAMİ HİTLERLƏ GÖZ-GÖZƏ"
Orada 900 gün ölümlə həyat üz-üzə oldu. Orada 900 gün nifrətlə şəfqət qarşı-qarşıya qaldı. Orada 900 gün insanlıqla vəhşilik çarpışdı. Orada 900 gün bir yanda İblis, bir tərəfdə mələk durdu. Əslində məşəqqətlərlə dolu həmin 900 gündə oradakı hər nəfərin içərisində ölümlə həyat, nifrətlə şəfqət, insanlıqla vəhşilik, İblislə mələk üz-üzəydi, bir-biriylə savaşdaydı, hansı qalib gəlsəydi, o, insanı özünə uyğun kökləyəcəkdi, özünə çevirəcəkdi. Xoş o kəslərin halına ki, yaşamaq, var olmaq uğrundakı bu müdhiş çəkişmədə, bu qeyri-adi ölüm-dirim imtahanında qarşılarındakı İblisə və içərilərindəki şeytana təslim olmadılar. O 900 gündə yalnız bircə tərəfdən - hücuma, təcavüzə məruz qalanların sırasından 850 min nəfər həlak oldu. Allahın "insan" adlı, hər biri tam təkrarsız olan 850 min əsəri, Pərvərdigardan başqa heç kəsin xəlq edə bilməyəcəyi 850 min varlıq 900 gün ərzində məhv edildi. Birisi Xeyirdi, birisi Şərdi, Onlar adları tək işlər görərdi. Xeyir dedi: "İşin daim zavaldır, Alçaqsan, hamıya qanın halaldır. Adın Şər, özün də xalq üçün şərsən, Xisləti adından pis bir bəşərsən".
Baxış sayı: 36
Açar sözlər:
ELÇİN. "İlyas Əfəndiyev ilə Əsgər bəyin hekayəti"
"İlyas Əfəndiyev: şəxsiyyəti və sənəti" bioqrafik romanından
1940-cı illərin sonlarından etibarən Yazıçılar İttifaqının Şuşada Yaradıcılıq Evi (məşhur Yazıçılar Evi) var idi və sal daşlardan zövqlə tikilmiş o üçmərtəbəli böyük bina Şuşanın yuxarı hissəsində ən sonuncu bina idi. Sovet hakimiyyətindən əvvəl bu bina şuşalı Ələsgərovların mülkü olmuşdu və bu da qəribə bir təsadüfdür ki, sonralar biz Bakıda, Hüsü Hacıyev küçəsində bu nəslin nümayəndəsi olan musiqiçi Manaf Ələsgərov ilə uzun müddət bir binada qonşu yaşadıq. Həmin 40-cı illərin sonlarında, 50-ci illərdə yazıçılar, o cümlədən İlyas Əfəndiyev yay aylarında Baxış sayı: 31
Açar sözlər:
VAQİF YUSİFLİ. "Ələkbər Salahzadə şeiri"
Mən Ələkbər Salahzadəni hər şeydən əvvəl, bir ŞAİR kimi tanımışam, ŞAİR kimi görmüşəm və indi də onu başqa cür təsəvvür edə bilmirəm. Qətiyyən inanmıram ki, Ələkbər Salahzadə yalan danışa bilər, bu yalanı haçansa şeirinə qata bilər. İnanmıram ki, o, həyatda bir cür, yazılarında başqa cür ola bilər.
O, həssasdır, hər hansı hadisədən tez təsirlənir. Amma mən inanmıram ki, Ə.Salahzadə hər hansı bir ictimai hadisənin təsiriylə oturub inqilabi marş yaza, ya da kütlənin önündə gedə. Onun bütün xasiyyətləri, hətta inqilabçılığı da şeirindədir. Mənə elə gəlir ki, o, hardasa xoşbəxt şairdir. Ona görə xoşbəxtdir ki, dövrün, zamanın küləkləri onun şair xarakterinə qətiyyən təsir eləməyib.
60-cı illərin qəzet və jurnallarında Ə.Salahzadənin çap olunan şeirləri ilə bir sırada, ona və digər istedadlı şairlərə atılan atmacalar, bəzən təhqiramiz ifadələr də diqqəti
Baxış sayı: 32
Açar sözlər:
Bəsti ƏLİBƏYLİ. "Can ilə aranmayan sevgilər"
Vaqif Bayatlı Odərin 60 yaşına
"Şairliyin ilkin işi Tanrının ona hədiyyə verdiyi Dildəki sözlərdən ona ən yaxın olanını götürməkdi. Tanrının yanından insanın yanına enmiş Sözü təzədən Tanrı yanına qaytarmaqdı..." Ucalıqdan yıxılanı qaldırmaq təzə devrim tələb edir.
Vaqif Bayatlı Odər iyirminci əsr poeziyamıza daimi cezv halında olan devrimçi kimi gəldi. Canına ən yaxın olan sözləri seçib ilk işini bitirdikdən
Baxış sayı: 28
Açar sözlər:
Rafael HÜSEYNOV. "Baharından ayrı düşən Baharlı"
Kəcavə hələ çox gedəcəkdi. Buradan - Hindistandan oracan -Xorasanacan hələ çox gecə-gündüzlər qalırdı. Yol uzun idi, yolçular yorğun. Amma nə bu yolun uzunluğu, nə həndir-hamarlığı kəcavədəkinin eyninəydi. Onunçün qətiyyən fərqi yoxdu ki, bu gediş nə qədər sürəcək. Kəcavə gedirdi. Uzaq səfər asta-asta bütün yolçuları taqətdən salırdı. Amma kəcavədəkinə nə gecələrin ayazı, nə istisi təsir eləyirdi. Bu kəcavədə gedən şair Məhəmməd Bayram xan idi.
Baxış sayı: 38
Açar sözlər:
Qənirə PAŞAYEVA. "Həmişəyaşar Şəhriyar!"
 | |
"Əbədiyyət yolçuları" silsiləsindən
Evimizdə cəmi bir neçə böyük azərbaycanlı dahinin şəkli vardı. Bu portretlərdən biri də dahi Azərbaycan şairi Şəhriyarın idi. Rayondakı evimizin qapısını açan kimi divardan Şəhriyarın qəmli, həsrətli baxışları boylanırdı. İndi də uşaqlıq illərimi xatırlayanda yadıma şairin o nisgilli gözləri düşür. Atamı itirəndən sonra çox az-az gedirəm o evə…
Son səfərimdə yenə yolumu evimizdən saldım. Qapını açan kimi gözüm Şəhriyarın şəklinə dikildi. Elə bil şəkildəki baxışları bir az da küskünləşmişdi. Xatırladım…
Baxış sayı: 55
Açar sözlər:
Çingiz Abdullayev. Haqqında məlumat, əsərləri, 11 e-kitabı (rusca)...
Baxış sayı: 134
Açar sözlər:
