دانيشدي بير-بيرييله، دوردو اونلار.
دئديلر: اول حرامي بو کيشيدير
اؤزونو مين اره وورماق ايشيدير.
قاتيندا بونلارين گور ساز وار ايدي،
گؤل ايچينده چوخ اؤرده ک، قاز وار ايدي.
ايگيت آيدير کي، قيزي گيزله يه ليم،
حرامي`يي ياليقيز گؤزله يه ليم.
گليب سؤيله رسه جنگه دوروشاليم،
اونونلا جنگ ائده ليم، ووروشاليم.
نئچون اوز دؤنده ره ليم بير کيشيدن،
نه دئييسه ر بيزي، آيدين ائشيده ن.
اؤنوردو [اوتوردو؟] مسکنتله، سؤيله يه ليم
بجيت اولور ايسه، جنگ ائيله يه ليم.

قيزي گيزله ديلر اول دمده سازا،
سيغينديلار قديم-ي بي نييازا.
کاييتلارين [؟] يئديلر اول گلينجه،
ياراقلاندي قامو حاللي حالينجا.
قيلينجيني چکيب، اردي حرامي،
ائشيت، گؤر نه جاواب وئرير حرامي.

آيتدي بونلارا کيم دورونوز، هاي
کي، بو گون باشينيزا گليسه ر واي.
قئييدسيز خوش گئده رسيز، سؤيله مه زسيز،
ساغ-اسه ن گئچمه يه شوکر ائيله مه زسيز.
اليمدن سيزلر آليرسيز آويمي،
دخي ائشيتمه دينيز مي چاويمي.
آيتدي خوجا روستم: ائي ايگيت سن
آويني گؤرمه ديک، هئچ توتما بيزدن.
نه آدين بيليريز، نه خود نيگارين،
نئچون اليندن آلاووز شيکارين.
نه ايسته ردين يئتيردين، بيلمه زيز بيز،
يازيقدير، بيزه بؤهتان قيلمانيز سيز.
اوزوموز سوييله گؤيچه ک گئده ريز،
بيز آيريغين شيکاريني نئده ريز.
بولارين اوستونه باخدي، ايناندي،
شولوق دم اول آرادان گئتدي، دؤندو.
ايچيني توتدو اود، ايسته ردي قيزي،
اووا-و داغ-و مئشه-و يازي،
آرادي چوخ، نه بولدو و نه دويدو،
بير آتا ميندي، اول بيريني قويدو.
يئنه دوشدو بولارين آردلارينجا،
آتين چاپيب سه ييردير سويلارينجا.
دئدي: نئچون اينانديم من بولارا،
بولار خود منه قيلميشدير مودارا.
يئنه بير دخي اونلارا واراييم
آلاييم مالين، اونلاري قيراييم.
گليرکن ناگهان[دان] يولو آزدي،
يول اوچ بخش اولدو، اول بيرينه گئتدي.
شيراز`ا توتدو اوز[و]، گئتدي کاروان،
بيله يدي اول گول اندام شاه-ي خوبان.

سؤز اؤکوش، عاقيبت شهره واريرلار،
حاق`ا شوکر ائيله ييبه ن اوز وورورلار.
بير اولو خانا گلدي، قوندو بونلار،
دؤشون [؟] وئريب، قاموسو اندي بونلار.
قوماش کاروانسارايي ايچره دولدو،
اوتوروب هر بيري آرامي قيلدي.
گئچيبه ن خوجا روستم چون اوتوردو،
اوخويوبان گول اندام`ي گتيردي.
آيتدي کيم، ائ مستور-ي زمانه،
باخارميسين بو چرخ-ي آسيمانه.
کيمه.سنه يه وفا قيلماز بو دونيا،
اولور فاني، بقا قيلماز بو دونيا.
ملول اولما، ائي اوزو گول و لاله،
باياغيندان شوکور ائيله بو حاله.
من آخرتليک سني قارداش ائدينديم،
كؤنولدن يار-و هم يولداش ائدينديم.
يئمه ديم قصد ايله من هئچ حرامي،
کي، گزديم روم`و و شام`ي [من] تامامي.
آيتدي: سؤزوم ائشيت، ائي اوزو گول،
شوکور قيل پاديشاها، آغلاما، گول.
نه انديشه ايچينده سين، حالين دئ،
منه كؤنلون نه ديله ر، احوالين دئ.
منيم شهريمه عزم ائده رميسين سن
ايراقراقدير ائليم، گئده رميسين سن؟
ياخود آتانا مي قاووشدوراييم؟
قدم باغداد يولونا مي ووراييم؟
سنينله حاق اوچون يئديک دوز-اکمک،
نه دير دئرسين، نه دير دورماق [مي] گئتمک؟

گول اندام آيدير: ائي کان-ي سخاوت،
ايمانلي کيشيده اولور شفاعت.
نه کيم ائتدين منيم حاققيمدا ائحسان،
عوض وئره سنه اول اوجا سوبحان.
مني چون اول حارامزاده حرامي،
يئنه بولماز ايسه، قيلماز آرامي.
آراييراق مني قاتيندا بولور،
اوغورلايي گلير، بير دونله آلير.
ياخود بير گون کي يولو ساتاشير اول،
گئجه-گوندوز منيم اوچون چکه ر يول.
منه کرم بويور، بوندان گئده ييم،
زاواللي باشيما درمان ائده ييم.
بو شهرين حاکيمي کيمدير، سوراييم
قاراواش اولوبان اوندا دوراييم.
خاتيني حضرتينه اريشه ييم
الين اؤپوب اونونلا گؤروشه ييم.
مدد اولورسا منه، اوندان اولور،
گئري درمان منه سولطاندان اولور.
آيتدي کي، خوجا روستم، ائ جانيم،
اؤزون بيلير، ايا روح-ي روانيم.
گئده ره م من، اسه ن قال سن، ائ سرور،
نره ده يسه ن چالاب سنينله رهبر.
قولاغيندا نه کيم وار ايدي جؤوهر،
الينده، آياغيندا حاقق [؟]، ائ سرور.
خوجا روستم`ه جومله بخشيش ائتدي
آناسيز بيزي دئدي، دوردو گئتدي.
سن اوش دؤردونجو مجليسه نظر قيل
گؤرون کيم، نه يه وارير ايشبو منزيل.

مجليس – 4

مگر سولطاني اول شهرين به غايت،
عجاييب گؤرکلويدو، بي نهايت.
هنوز اوغلان ايدي، اون يئدي ياشي،
ولي کيرپييي اوخ، ياي ايدي قاشي.
ياراتميش صونعي بيرله اونو چون حاق
ملکدورور دئيه يدين اونو موطلق.
اوزو گول، بويو سرو-و بنزي لاله،
گؤزو نرگيس، قاشي بنزه ر هيلاله.
آتاسي دونيادان نقل ائتميش ايدي،
آتا تاختيني کندي توتموش ايدي.
هنوز دخي ديري ايدي آناسي،
كؤنولدن يوخ ايدي ذرره جه پاسي.
او روح-ي صاليحه مستوره خاتين
نئچه توتساق اسير آلميشدي ساتين.
نئچه قوللاري آزاد ائيله ميشدي،
يالين دوناديب، آجلار تويلاميشدي.
اونون قاپيسينا واردي گول اندام،
تاش ائشيکده اوتوردو، قيلدي آرام.
مگر قاپيچيلار اونو گؤرورلر،
شولوق دم خاتين`ا خبر وئريرلر.
دئديلر گلدي بير کيشي عابالي،
دورور قاپيدا، بيلمه زيز نه حالي؟
ايچه ري گيرمه يه دير مئيلي اونون،
بيلين حالين او خاتين-ي زامانين.
چيخيب بير خاديم، اونو آلدي گلدي،
اوزون توتوب، گول اندام تاپي قيلدي.
اورو دوردو، سالامين آلدي خاتين،
مليکزاده ليييني بيلدي خاتين.
آليب يانينا، تاختينا چيخاردي،
اولوب حئيران، جامالينا باخاردي.
دئدي خاتين کي: نه دير سؤيله حالين.
يوموب قورعه، نئجه آچيلدي فالين؟!
دئدي: ائشيت، ائ خاتين-ي زمانه،
دئيه م حاليمي، گتيره م بيانه.
بيچاق سومويه اردي، نئيله يه يين،
باري رازيمي بير-بير سؤيله¬ يه يين.
باشيما بير زاوال گلدي، نئده يين،
بيله مه زيم کي، قانجاري گئده يين.
قيزييام شاه-ي باغداد`ين، بيله ¬سين،
گره ک بو درديمه درمان قيلاسين.
تؤکولمه ديک دورور اوزوم سويو هئچ،
ياووز نسنه يه كؤنلوم اولمادي پيچ.
دئدي خاتين`ا بير-بير حاليني قيز،
نه يه اوغراديغين، احواليني قيز.
حرامي`دن نئجه قورتولدوغونو،
حرامي`يه نه ايشلر قيلديغيني.
تؤکه ردي قانلي ياشين، آغلار ايدي،
باشينا گله ني شرح ائيله ر ايدي.
قيزين سؤزلريني خاتين ائشيتدي،
ايچي آجيلدي چون، بير کز آه ائتدي.
دئدي کيم، حئيف ائي مستور، اؤزونه،
کي توز قونا ايدي اول گول اوزونه.
هزه [؟] يازي ايدي کي، گلدي باشا،
ازلدن يازيلان پوزولا، حاشا.
دريغا، گؤر نه يازيلميش بو يازي،
نه ايشين ايدي گزمک داغي، يازي.
سونو خئير اولا، غوصصه يئمه جانيم،
کريم ائده کرم، ائي مئهريبانيم.
گول اندام`ي كؤنولدن سئودي خاتين،
دئدي: اولما ملول، ائي خوب-ي مووزون.

گول اندام اوزونو چون کيم آچاردي،
سارايين ايچينه شؤعله ساچاردي.
باخار ايدي خاتين اونون اوزونه،
قالير[دي] واله اول محبوب اوزونه.
دئر ايدي کيم گئجه-گوندوز آراسام،
سراسر دونيايي بير-بير داراسام.
بونون کيمي لطيف قاندا بولايديم
کي، اوغلوما اونو کبين قيلايديم.
ائشيتديک کيم اونون بير خوب سولاله،
وار ايدي اوغلو اريشميش کماله.
ياشي اون يئديسينده، کندي مهرو،
اوزون گؤره نده قالماز ايدي قايقي.
جامالي گونه شه رؤونق باغيشلار،
ضيياسي عالمه موطلق [مطلع؟] باغيشلار.
هنوز ائوله ن[مه]ميش ايدي جاوانباخت،
آتاسيندان اونا قالميش ايدي تاخت.
نيشانليسي وار ايدي، اؤلموش ايدي،
آناسي بو فيکيرده قالميش ايدي.
شيراز ايقليمي شاهييدي آتاسي،
ائوه رمک نيتينده يدي آناسي.
گول افروخ ايدي آدي اول عيالين،
شيراز سولطاني اوغلو، خوب جمالين.
آناسي اونو قاتينا قيغيردي،
قيزين وصفين اونا بير-بير ده ييردي.
دئدي: گلدي بيزه، خاتين اؤيه ردي
کي، يعني اوغلونون گؤنلون ا ه يه ردي.
دئر ايدي: يوخدور اونون هئچ نظيري،
آتاسي شهر-ي باغداد`ين اميري.
بولونماز حوسن ايچينده اونا مانند
اوزو گولدور، سؤزو بولبول کيمي قند.
گول افروخ آيدير اونا: گؤسته ر اونو،
گؤره يين من دخي بير ائني کاني [؟].
دئدييين دنلي وار مي دير، گؤره يين،
اگر جانيم سئوه، كؤنول وئره يين.
دئدي خاتين: يورو، وار کؤشکونه چيخ،
قامو پنجره لريني ائيله آچيق.
من اول محبوبه نين الين آلايين،
سنين حضرتينه قارشي گله يين.
تفرروج ائيله کؤشکوندن گؤره سين،
نئجه محبوبه دير اول جان پاراسين.
گول افروخ شاه يوخاري تاختا چيخدي،
آچيب پنجره لريني، تاشرا باخدي.
آلير خاتين گول اندام`ين اليني،
گلير سروي دالي کيمي ساليني.
ساناسين طاووس ايدي باغ ايچينده،
يا حوري قيزيدير اوچماق ايچينده.
بويو بنزه ر ايدي سروي، چيناره،
اوزو گوله، ياناغي گول-ي ناره.
گول افروخ گؤردو چون اونون جامالين،
تفرروج قيلدي اول حوسن-ي کامالين.
گول اندام كؤنلون اونون قيلدي ياغما
گول افروخ شاه`ا دوشدو عئشق-ي سئودا.
يئنه خاتين آليب گئتدي نيگاري،
گول افروخ`ون گئده ر صبري، قراري.
همن دم دايه سين دريب، آيتدي،
آلين، گلين آنامي بورا، دئدي.
اوخودولار، آناسي گلدي شاه`ا،
گؤرور اوغلاني دوشموش تورلو آها.
دئدي: آنا، گؤروب سئوديم من اونو،
اونون عئشقي بولوبدور كؤنلو، جاني.
بو دردين دئ نه دير، نه يه ساتاشدين
کي، بو عئشق اودونا يانيب توتاشدين.
بير-ايکي آي صبير ائيله، گؤره ليم،
آتاسينا دا خبر گؤندره ليم.
ائشيتسين آتاسي، دخي سئوينسين،
قيزينين غوصصه لريندن آوينسين.
گول افروخ دئر: بيچاق سؤمويه اردي،
نه صبر ائده م، چو فورصت اله گيردي.
بير ايش وار کيم، اونو تعجيل ائده رلر،
بير ايش وار کيم، اونو تاجيل ائده رلر.

چو خاتين اوغلونو گؤردو بو حالدا،
كؤنول گئتميش، گؤزو قالميش خيالدا.
شولوق ساعات گئنه گلدي سارايا،
نيگارييله اوتوردو بير آرايا.
دئدي: خوبلارين ائي جاناني سنسين،
گلين ائدينيره م سني، نه دئرسين.
مثلدير سئوه ني سئومک گره کدير،
اييي نييتلره ارمک گره کدير.
گول اندام بونلارين فيکريني بيلدي،
باشين آشاغي اه ييب، فيکره دالدي.
حياسيندان قيزاردي، ائيله ترله ر،
ساناسين کيم، دوزولدو گوله دورلر.
دؤنوب دئدي کيم: ائي خاتين-ي سرور،
هوما ايديم، ولي اوش تؤکموشه م پر.
غريبه م، ميسکينه م، شيمدي يئتيمه م،
اونا لاييق اولاسي من دئييله م.
خوصوصن کيم منه بير کيشي دوشمن،
اگر بولسا مني هئچ وئرمه ز آمان.
اولا کيم، عاقيبت بير گون گله اول،
ايکه ن ظاليمدورور، بير ايش قيلا اول.
منيم اوجومدان اول شهزاده يه بير
الم اريشه، بودور فيکر-ي تدبير.
منيم خود بو فراقيم منه يئته ر،
مرض اولا ايچيمه دخي بتر.
دئدي خاتين: نه جاني وار، گله اول
کي، بيزيم قاپيميزا اول بولا يول.
اگر قول [قوش؟] اولوبان اوچار اولورسا،
دنيزلر آشيبان گئچه ر اولورسا.
گليمه ز بوندا ائي خوبلار گوزيني،
گئييک باسماز اولو آسلان ايزيني.
گول اندام دخي سؤيله مه دي تکرار،
حقيقت دينمه مکليک اولور ايقرار.

روان موشتولاديلار شاه`ا اونو
گول افروخ ائشيديب شاد اولدو جاني.
بويوردولار ياراق ائدين دويونه،
خبر اولدو توکه لي ائله، گونه.
اولو، کيچي اونو قاموسو بيلدي،
دويون قوتلولاماغا جومله [سي] گلدي.
بدخشان`ين شاهي هم، اوندا گلدي،
گووئيه ده [اول] اوندا، ساغديج اولدو.
اولو به يلر قامو گئچدي، اوتوردو،
نقيبلر اول ساعات خونلار گتيردي.
يئمکلر گلدي اوندا تورلو الوان،
دنه، پيرينج-و زرده، حوبب-ي رممان.
گره کجه پيشدي قه يله-و بوراني،
شو دنلي تؤکدولر يوخدور اوراني.
گلير دانه و اريشير هريسه،
دخي زرده و هر نه آش اريسه.
گئييک-و داوشان-و ککليک اتي بول
قونولدو دؤرد يانا، خوش ساغ ايله سول.
دولو نئعمت، گوموش، آلتين چاناقلار،
سينيلر، تپسيلر، بير-بير تاباقلار.
بونا بنزه ر دخي چوخ تورلو مئيوه
شکر، بادام، گولاب-و شير-و خورما.
چالينيردي نئي-و دمبور-و تنبور
ايچيلير ايدي دولو آب-ي انگور.
يئمک-ايچمک، تليم عيشرتلر اولدو،
سؤز اؤكوش، قيرخ دون-و گون تويلار اولدو.
تاماشا و دويون، صؤحبتلر اولدو،
دويون آخيرا اردي و داغيلدي.

گول افروخ اول گئجه گرده يه گيردي،
گول اندام ايکرام ائديب، دورو گلدي.
زئهي دؤولت، بو کز بولدو ايکي شاه،
گونه ش قوينونا گيردي اول اوزو ماه.
جواهير معدني گنجه ساتاشدي
ديرکسيز [ديكه نسيز؟] بير گول-ي گولزارا دوشدو.
بولوشدو بولبول ايله گولسيتاني،
سوروشدو طوطيله شککرسيتاني.
ساناسين اونلارين فيريشته بيري،
بيري سان کيم بئهيشت ايچينده حوري.
چو هر لذذت کي بال ياغا قاريشدي،
اؤپوشدو-و قوجوشدو-و سئويشدي.
دولاشدي سروي دالينا سنوبر،
بولوشدو اول ايکي بدر-ي مونوور.
صاباحا دک بولار هئچ گؤزلريني
اويومادي، يوموب نرگيزلريني.

مونوور اولدو جومله صوبح-ي صاديق
ووحوشا [؟] گلدي چون اينسان-ي ناطيق.
قامو به يلر گؤرو قاپييا گلدي،
ديوان باغلاندي و جومله جمع اولدو.
گول افروخ شاه سووار اولدو آتينا،
بيله ساغديجي حاممام نييتينه.
گليب حاممام ايچينده يوندولار خوش،
چون ايشلر حاصيل اولدو دؤندولر خوش.
گول افروخ شاه سارايا گئري گلدي،
گوله-گوله الين-الينه آلدي.
ال آليشيب يئنه تاختا چيخارلار،
يئنه عئشق اودونو جاندا ياخارلار.
قونوشدو شمس ايله چون ماه-ي تابان
بيري بيلقئيس، بيري سان کيم سولئيمان.
بويوردو چونکو قوناقلار اوتوردو
موغننيلر ال ابريشيمه ووردو.
گلير آغازه [آوازه؟] تورلو صؤوت-ي پرده
ائشيده نلر بولور درماني درده.
عيراق-و ايصفاهان، نووروز-و شاهناز
ائده ردي بير-بيرينه ايکي شاه ناز.
نوهوفتي-و حوسئيني-و حيجازي
ديله گليب چالاردي تورلو سازي.
هم اون ايکي مقامي سئير ائده رلر
دوازده-و شئش`يني دئير [دؤور؟] ائده رلر.
نوهوفت ائيله ييبه ن چنگي ديزيلدي،
قوپوز-و شئشته آوازي دوزولدو.
دوهنگ آوازينين وزني بليردي،
اينيلتي ايله ناي نيفرين قيليردي.
شو کيمسه لر چالاردي عود-و تمبور
گؤزه ل محبوبه لر هر بيريسي حور.
بئش اون گون چون بولار عيشرتلر ائتدي
ائشيت گل معنييي، آنلا کي، نئتدي.

مگر بير گون گول اندام آيدار: ائي شاه،
بيليب سيرريني بندن، اولگيل آگاه.
بويور کيم، بير اولو کؤشک ائيله سينلر،
خانالار بيري بير اوزره قوسونلار.
دخي قيرخ آياق اولسون نرديباني،
تليم ترتيب ايله دوزسونلر اونو.
آياقدان-آياغا بير قول اوتورسون،
الينده هر بيري حربه گؤتورسون.
ايکي سوففه [؟] ياپيلسين تاش قاپيدا،
ايکي آسلان مودام دورسونلار اوندا.
بير-ايکي قول دا اوندا حاضير اولسون،
اول آسلانلارا داييم ناظير اولسون.
بو ايش بيتمه زسه، كؤنلوم ساکين اولماز،
اوزوم گوله رسه، جانيم بيل کي، گولمه ز.
گئجه-گوندوز بيزي خوش بکله سينلر،
حرامي`نين شريندن ساخلاسينلار.
گول اندام چونکو بو سؤزلري دئدي،
گول افروخ شاه اونون قئيديني يئدي.
بويوردو چونکو مئعمارلار دريلدي،
بير اولو کؤشک اوچون بونياد وورولدو.
گئجه-و گوندوز اوستادلار دوروشور،
ياخين گونده تامام اولور اريشير.
اوجا، مؤحکم، مورتتب، خوش دوزولدو،
موصوور نقش ايچي، داشي يازيلدي.
ازيلدي لاجيورد ايله تليم رنگ،
موذههب ايشلري گؤره ن قالير دنگ.
ختايي ياپراغييله رومي شمسه
يازيلدي، گؤرمه دي اول رسمه کيمسه.
هم آلتين ايدي هر بير پنجره سي،
آغ اينجيدن بزه ندي هر يؤره سي.
فوسوسکاري دؤشه ندي فرشي دوپدوز.
کيم، اونون کيمي صنعت گؤرمه دي گؤز.
قيزيل، آلتين ايدي هم شادرواني،
گوموش حووضا آخار اونون رواني.
زبرجددن هم اؤرده کلر دوزولدو،
کنارينا سويون چئوره ديزيلدي.
موصننيفلر تليم رسم وورموش ايدي،
حريردن پرده لر کيم گرميش ايدي.
نه کيم گؤز وار ايدي هپ[سي] قورولدو
تامام اولدي و هم بونياد وورولدو.
گول افروخ شاه گول اندام ايله شادان
چيخار کؤشکه اول ايکي ماه-ي تابان.
گؤرورلر جومله ايش يئرلي يئرينجه،
مين آرتيق اولدو اونلار دئدييينجه.
بو ترتيبي گؤروب، شادي قيليرلار،
گزيب، سئيران ائديب، گئري گليرلر.
بو مجليسي بو يئرده قصر ائده ليم،
بو کز بئشينجي مجليسه گئده ليم.

مجليس – 5

يئنه احمد حرامي`دن خبر بيل،
نيته اولدو حيکايت آنلا، عاقيل.
نه دير آنلاياسين اونون زاوالين،
ايشي، گوجو و فئعل-ي فيتنه حالين.
اوتورمازدي گئجه-گوندوز، آراردي،
گول اندامي نه بولوردو، نه گؤردو.
نه اوشه نه ردي، نه يولدان آزاردي،
بولام دئيه گول اندام`ي گزه ردي.
قرار ائيلمه ييب دون، گون گئده ردي،
نيگارينا ياووز انديشه ائده ردي.
گئده رمه زدي ديلينده کيبري، کيني
کين اهليدير ييخانلار مولکو، ديني.
دئر ايدي: گر اونو بير گؤز [كز؟] بولايديم،
اونا من بيلير ايديم نه قيلايديم؟!
اگر اول سئحريله آيا ساغارسا،
اگر زؤهره اولوب گؤيه آغارسا.
جان اليمدن منيم اول قورتارا مي،
مگر من دئييله م احمد حرامي!
بونو بؤيله دئييب، گزه ردي دوپدوز،
آراردي ائللري دون ايله گوندوز.
زئهي بد اصل-و موردار گور-ي [؟] مغبون،
حارامزاده، فوضول، محروم-ي محزون.
اودا يانيجي دوشمن، يئل قويوجو،
اتيني ديشله ييب، كؤکسون ووروجو.
دئمه زدي کيم، اولان اولدو و گئتدي،
او کيندارليق ائشيت کيم اونا نئتدي.

يامانليق سانسا بير کيشي ايشينه،
سون اوجو سانديغ[ي] گلير باشينا.
مثلدير کندي دوشه ن آغلاماز، دئر،
آخان دريايي کيمسه باغلاماز، دئر.
تامام بير ايل آرادي اول نيگاري،
لطيف-و سيميتن اول گولعوذاري.
کيمه سنه دن خبر آلمادي هرگيز،
نئجه کيم ايسته دي، بولمادي هرگيز.
ائشيديلمه دي اوندان بير آوازه
يولو بير گون مگر اردي شيراز`ه.
گؤرور کيم شهر ايچينده بير اولو باغ،
يئميشلر دوپدولو، آخاردي ايرماق.
دولو رئيحان-و نسرين-و چمنلر
بيتيبدير تورلو نرگيزلر، سمنلر.
حرامي اول باغي قاچان کي گؤردو،
انيب آتدان، گليب ايچه ري گيردي.
بولوشدو باغبان ايله، گؤروشدو
بيري بيريسينين حالين سوروشدو.
ديله ر کيم بير خبر اوندان آلايدي،
گول اندام`ي نه يئرده دير، بيله يدي.
شولوق دم باغبان سوفره گتيردي،
گليبه ن، گئچدي ديزبه ديز اوتوردو.
بونون ايله يئيه ره ک، سؤيله شه ره ک،
بير-ايکي سؤز کليجي اه يله شه ره ک.
حرامي آيدير: ائي يار-ي يئگانه،
سورونجام وار، گتيره ييم ليسانه.
بو شهرين کيمدورور آيت! پاديشاهي،
بو خالقين کيم اولور مير-ي سيپاهي؟
آيتدي باغبان، ائي مرد-ي مردان،
ائشيتگيل کيمدورور بو شهره سولطان.
بيزيم اوولکي سولطانيميز اؤلدو
گول افروخ کيم اونون اوغلو، شاه اولدو.
اؤكوشدور عدلي، شاکير خالق اوندان،
قامو خوشنوددورور، کافير، موسلمان.
دئدي: اوغلان مي، ايگيت، يا قوجادير،
يا ارگه ن مي، يا ائولي، حال نئجه دير؟
آيتدي کيم هنوز اوغلاندير، ائي يار،
ياشي اون سککيزينده، ائي وفادار.
تامام بير ايل اولوبدور ائوله نه لي،
گول اندام`ي سئويبه ن اول آلالي.
دئدي: کيمين نه سين آليبدورور اول،
کيمين قيزينا جيفت اولوبدورور اول؟
آيتدي: شاه-ي باغداد`ين قيزيني
آليبدورور، سئويبدير خوب اوزونو.
دئدي کيم، نه سببدن آلدي اونو؟
آراييبان، يا قاندا بولدو اونو؟
آيتدي کيم، اونو سن آنلار ايسه ن،
دئيه يين وصف-ي حالين، دينله ر ايسه ن.
اونو بير آل ايله حرامي آلميش،
تامام بير ايل اونون ايله ديريلميش.
آتاسيندان آييرميش بير گون اونو
آتاسي بيلمه ميش نه دير معاني.
آليب واريب اونو چارميخا گرميش،
ناگاه بير قافيله اوستونه ارميش.
آليبان اول حرامي`نين اليندن،
گؤيه رچيني دوغانين ميثقاليندان [مينقاريندان؟].
گلير سون اوجو بو شهر-ي شيراز`ه.
گؤرور شاهزاده اونو تازه-تازه.
اصيلده هم اولو، هم حوسنو کاميل،
دخي زيرک و هر دم عاقلي کاميل.
گؤريجه ک اوزونو مين جان-و ديلدن،
گول افروخ سئودي اونو مين كؤنولدن.
دويون ائيله دي، کبين ائتدي، آلدي،
عجب بودور اونو هم بيکير بولدو.
بدخشان شاهي ساغديج اولدو اونا
قولاق وور دئيه يين وصفيني سنه.
گول افروخ بويورور کيم تئز اولوق دم
کي، بير کؤشک ياپديريرلار اوجا، مؤحکم.
نه آيدام کي، نئجه دوزدولر اونو
ائشيتديم قيرخ آياقدير نرديباني.
هر آياغيندا بيره ر قول اوتورور،
الينده قيليج-و حربه گؤتورور.
ايکي آسلان قاپيدا اگره شيرلر
بيري-بيرينه قارشي ايگره شيرلر.
اگر نرره دئو اولورسا، گؤر اونو،
چکه ر، ييرتار، هلاک ائده رلر اونو.
حرامي گله دئيه ائحتيياط يئر،
اونون اوچوندورور دوزگون قامو دئر.
ناگاه بير گون کي، آنسيز گله دئرلر،
گئجه-گوندوز اونون قئيديني يئرلر.
حاقينجا دينله دي بير-بير حرامي،
بو کز بولدو يئنه اول نيکنامي.
سئويندي، دريسينه سيغماز اولدو،
كؤنولدن غوصصه گئتدي، شادي گلدي.
گؤرون اول ظاليمي، نه قص[ي]د ائتدي،
آتينا ميندي، داغا دوغرو گئتدي.

وارير داغدا، بولور آوچي ايگيتلر
آوي خود خوش بيلير آوچي ايگيتلر.
چيخاردي وئردي آلتين [اوش] بولارا،
دؤنوبه ن سؤيله دي اول آوچيلارا.
دئدي: ايکي ديري گئييک گره کدير،
توتو وئرين منونو، تيزره کدير
ياييلدي اول ايگيتلر جومله داغا
شيکار ايسته يه باخيپ سولا، ساغا.
سؤز اؤکوش، ايکي گئيييي توتارلار،
آغير باها ايله اونا ساتارلار.
گئييک چون الده کيردي [گؤردو؟]، گئري دؤندو،
گليب شهر اوجونا، بير يئره قوندو.

دونون ياريسينا تكين اوتوردو،
شو دنلي کيم قامو خالقي ياتيردي.
دورو گلدي، يئنه کؤنلو قاراري،
دخي هئچ قالمادي صبري، قاراري.
ياراقلاندي، بليکله ندي، دوناندي،
اوزو قاراردي، گؤزو قانا دؤندو.
قيليج قوشاندي اول دمده بئلينه،
گؤرون کيم نه گلير اونون يولونا.
گئييکلرين آياقلاريني بوکدو،
ايکي قولتوغونا اونلاري آلدي.
كؤنولدو، گيردي اول غزا يولونا،
ايشين بيلمه ز کيشي سونرا يولونا.
سوروب اول نابکار، چون کؤشکه گلدي،
حه يه طين قاپيسيني چونکو بولدو.
يئنه افسونونو اوخودو، اوردو،
قاپي آچيلدي، اول ايچه ري گيردي.
آسلانلاردان يانا اوز توتدو، گئتدي،
قاچان کيم اونلارين قاتينا يئتدي.
اولار ديله ردي کيم، حمله ائده لر،
بونو قييناق ايله ييرتيب ديده لر.
گئييکلري شولوق دم آتي وئردي،
بولارين حمله سين اوستوندن اردي...
اول آسلانلار گئييکلري گؤروجه ک
موقايات اولمادي اونا گيريجه ک.

(Ardı var)