Danimarka XİN-i 1 milyon avroluq layihəni Azərbaycana niyə gətirib?
Xarici təşkilat partnoyr kimi Arif Əliyevi seçməsində hansı amillər rol oynayıb?
Oktyab ayından Azərbaycanda media ilə bağlı böyük layihələrə start verilir. Dünyanın 25-dən çox ölkəsində media inkişafı sahəsində çalışan «İnternation Media Support» (İMS- Beynəlxalq Mediaya Dəstək) təşkilatın Azərbaycana dörd illik layihələri başlayacaq.
Bəs bu təşkilatın Azərbaycandakı partnyorları kimlərdir və onlar hansı işləri hədəfləyiblər? Qəzetimizə bu haqda bir sıra maraqlı faktlar daxil olub.
Öncə qeyd edək ki, 4 il müddətinə nəzərdə tutulan layihələrin icrası üçün 1 milyon
avrodan çox qrant ayrılıb. Ən maraqlısı qrant ayıran təşkilatdır. “Bəy verən atın dişinə baxmazlar” deyib, donordan nəzərinizi qaçırmayıb. Çünki o sıradan biri deyil; Danimarka Xarici Işlər Nazirliyidir. Bu ölkənin adı sizə tanışdırmı?
Az əvvəl Məhəmməd peyğəmbərin təhqiramız karikaturasını çəkməklə müsəlman ölkələrində antipatiya qazanmış Danimarika. Bizimlə söhbət edən adının çəkilməsini istəməyən media ekspertinin söylədiyinə görə Danimarikada karikatura skandalından sonra Xarici Işlər Nazirliyi QHT-lərinin adı ilə Türkiyədə, Azərbaycanda, Sudanda, Əfqanıstanda, Indonesiya və s ərəb ölkələrində fəaliyyətini qenişləndirmək qərarına gəlib. Onların layihələri zahirən müxtəlif adda olsa da, əsas məqsəd Danimarkanın bədnam imicdən qurtarmaqdır.
Lakin, əsaslı dönüş yaranmasa konkret olaraq Azərbaycanda İMS aparmaq istədiyi iş antidanimarika əhvalının daha da gücləndirəcək.
Problem nədədir? Mənbəmiz deyir ki, İMS Azərbaycanda fəaliyyətə başlamazdan öncə əməkdaşlıq üçün burda elə adamlar axtarıblar ki, onların hakimiyyətlə münasibətlari pis olmasın. Bu istiqamətdə uzun axtarışdan sonra diqqətlər hamının yaxşı tanıdığı hörməti Arif Əliyevin üzərində cəmlənib. Arif Əliyev hazırda yeni layihənin “boz kardinalı” sayılır. İMS-in yerli bölməsinin idarə heyyətinin formalaşdırılması da onun əməyinin məhsuludur. Hazırda İdarə heyyətində cəmləşən dörd nəfərin - Rüfət Abbasov, Elşad Fərzəliyev və Aytən Əliyevanın adı bəlidir. Bəzi məlumatlar görə siyahıda “Soros” fondunun sözçüsü Rövşən Bağırovun da adı var.
Yeni başlanacaq layihə gör necə cəlbedici və gəlirlidir ki, Rüfət Abbasov “Azərcell”dəki, Elşad Fərzaliyev isə ATƏT-in Bakı ofisindəki yerli ölçülərlə müqayisədə çox yüksək əmək haqqıdan, perspektivli işlərindən imtina edərək İMS-i seçiblər. Yeri gəlmişkən, qeyd edək ki, İH üzvü Elşad Fərzaliyevin Arif Əliyevlə yaxın münasibətləri ən azı media nümayəndələrinə sirr deyil. Arif bəy daim ATƏT-in media layihələrinin 60-70 fazinə sahib olub. İH-nin digər üzvü Aytən Əliyeva da Arif bəyin rəhbərlik etdiyi “Yeni Nəsil”in üzvüdür və bir vaxtlar Azərbaycanda indi də fəaliyət qöstərən Catolik Relief Servis xarici donor təşkilatinda calişıb (CRS vaxtikən “Yeni Nəsil”ə də qrant verib ). Mənbənin sözlərinə görə, start veriləcək layihədə əsas böyük pozuntu odur ki, IMS danimarkalıların pullarını kefi istədiyi kimi xərcləyib. Konkret desək, böyük lahiyədə azerbaycanlı partyorunu tender (müsabiqə ) əsasında yox, şübhəli razılaşma asasında keçirib: « Bu çox böyük pozuntudur. Çünki hər hansı lahiyə həyata keçirməzdən əvvəl xarici donor (burada Danimarika XİN-i) və xarici partyor (burada IMS) mütləq öz yerli partyorunu seçmək üçün açıq müsabiqə keçirməli idi. Lakin, onlar bir il ərzində yerli jurnalist tashkilatları ilə gizli danışıqlar aparırdılar». Lahiyə cərcivəsində Bakı Mətbuat Klubunun fəaliyətini bərpa edəcəyi və jurnalistlər ücün coxsaylı peşəkarlığı artıran treninqlərin təşkil ediləcəyi gözlənilir.
Sonda qeyd edək ki, növbəti sayımızda bütün tərəflərin mövqeyini öyrənməyə çalışacağıq. Eyni zamanda məsələylə bağlı fikirlərini bildirmək istəyən media rəhbərlərinə yer ayırmağa hazır olduğumuzu bildiririk.
Natiq Güləhmədoğlu
